>➤ Hazrat Idrees Alayhis Salaam :-
Hazrat Idrees Alayhis Salaam Aur Hazrat Nooh Alayhis Salaam ke Darmiyaan 1000 Saal ka Fasla he,
>> Hazrat Idrees Alayhis Salaam ki Ijaadat :-
Sabse Pehle Setaaro me Nazar karna Aur Hisaab karna Aap se hi Saabit he, Leqin ye khyaal rahe ki Aapka Setaaro me Nazar karna ALLAH TA’ALA ki Marji ke Mutaabik Aap ke Hisaab me Takhmin ki Koi Baat Nahi hoti, Balqi ALLAH TA’ALA Aap ke Dil me jo ata karta Aap wahi Bayan karte Yaani Setaero ka Hisaab Aap ko Batour Moziza Aata kiya Gaya tha, Aaj ke Dour me Setaaro ka Hisaab Aur Aane Wale Waqiyaat ki Khbar dena Haraam he un par Yakini Aytebaar karna Kufr he,
Kalam ke Zariye Likhne ko Sabse Pehle Aapne Riwaaj diya, Sabse Pehele Kapde Aapne hi pehne usse pehle Log Chamde ka Libaas Istemaal karte the, Sabse Pehele Chizo ke Wajan karne Aur Kapde Wageira ko Naapne ko Apne hi Riwaaj diya, Sabse Pehle Islaah ki Ijaad bhi Aap ne hi farmaayi Hazrat Aadam Alayhis Salaam ke Baad Pehle RASOOL Aap hi he.
(Roohul Maani, Jild-9, Safa-105,
Tafseere Kabeer, Jild-21, Safa-233)
(Tazkiratul Ambiya Alayhis Salaam, Safa-86)
>➤ Hazrat Idrees Alayhis Salaam ka Aasman par Uthya jana :-
Quraan Sareef me ALLAH SUBHANA WA TA’ALA Irshaad Farmata he
“Aur (Ay NABI Sallallaho Alayhe Wasallam) kitaab me idrees (Alayhis Salaam) ka Zikr kijiye, Beshaq wo Bade Sacche Geib ki Khbre dene wale NABI the Aur Ham ne unhe Bulnad makam par (zinda) utha liya
(Surah Maryam, Aayat-56,57)
Hazrat Ka’ab Bin Ahbaar RadiAllaho Ta’ala Anho se Marvi he ki Hazrat Idrees Alayhis Salaam ne Malekul Mout (Yaani Hazrat Izraail Alayhis Salaam) se Farmaya ki me Mout ka Maza Chakhna Chahta hu, keisha hota he…? Tum meri Rooh Kabj karke dikhav,
Malekul Mout ne Aap ke Huqm ki Ta’amil ki, Rooh kabj karke fir ushi waqt Louta di, Aap Jinda ho gaye,
fir Aapne Farmaya Aap Muje Jahannam dikha do taaki Khoufe ILAAHI Zyada ho, Malekul Mout ne Irsaad ki Ta’amil karte hue Aapko Jahannam ke Darwaje par le jaya gaya, Aap ne ‘Malik’ Naami Farista jo Jahannam ka Daroga(Rakhwala) he, usse Farmaya ki Darwaja kholo me usse Gujarna Chahta hu, Chunanche esha hi kiya gaya Aur Aap us par se Gujre,
Fir Aap ne Malekul Mout se farmaya ki Muje Jannat dikhav, wo Aapke Huqm ke Mutabik Aap ko Jannat ke paas le gaye, Aapne Jannat ke Darwaje khol ne ka irsaad farmaya, to Aap ke liye Jannat ke Darwaje khol diye gaye Aap Jannat me Tasreef le gaye,
Malekul Mout ne kuch Deir intejaar karne ke Baad Arz kiya Ab Aap Chle Zamin me Apne Makam par Tasreef le chle,
Hazrat Idrees Alayhis Salaam ne farmaya ki me to Yahi se kahi Nahi jaunga, kyunki ALLAH TA’ALA ne Farmaya
“Har Nafs ko Mout ka Maza Chkhna he”
me Mout ka Zaika Chakh chuka hu, Fir ALLAH TA’ALA ne Jannat me Dakhil hone ki ye Sart rakhi he
“ki Har Shakhs ko Jahannam par Gujarna he”
me Jahannam par se bhi gujar kar aa chuka hu, Ab me Jannat me Dakhil ho chuka hu, jo loug Jannat me dakhil ho jate he unhe waha se Nikala nahi ja sakta kyunki ALLAH TA’ALA ka Irsaade giraami he
“Jannat walo ko Jannat se nahi Nikala jayega”
ALLAH TA’ALA ke Irshaad ke Mutabik mene Yahi rahna he, yaha se Muje nahi Nikala ja sakta,
Hazrat Idrees Alayhis Salaam ke is Farman ke baad ALLAH TA’ALA ne Malekul Mout ko Farmaya
Ay Izraail, Mere Bandey Idrees ne Sab kaam meri Marji se kiya, inhe yaha hi rehne do,
Hazrat Idrees Alayhis Salaam Abhi Tak Aasmano me Zinda he.
(Tafseere Khzain, Para – 16, Surah Maryam Aayat – 56, 57)
(Tazkiratul Ambiya Alayhis Salaam, Safa-88)
Subhan Allah..
#Seerat #Sirat #Nooranisafar #Noranisafar #Waqiya #Wakiya #Noorulislam #islam #Idrees #Idris